Uyghurbiz tor béti 8 - qétim échildi

Bundin 2 ay ilgiri xitay hökümiti teripidin buyruq bilen taqalghan uighurbiz.com Tor béti mushu ayning 2 - küni uighurbiz.net Dégen namda 8 - qétim qayta échildi.
Muxbirimiz mihriban
2009-06-04
Élxet
Pikir
Share
Print

Uyghur biz tor bétining sahibi ilham toxti ependi radi'omizning Uyghur bölümige xet yézip, tor bétining qayta échilghanliqini xewer qildi. Uyghur élidiki bashqa Uyghur tor betlirimu arqa - arqidin xewer bérip, "Uyghurbiz" Tor bétining qayta échilghanliqini tebriklidi.

Uyghur biz tor béti, xitaydiki tor betliri ichide heqqaniyet tuyghusi birqeder küchlük bolghan, Uyghurlarning hazirqi heqiqiy ehwali heqqide bir qeder keng melumat bérip kéliwatqan, Uyghur latin yéziqi hem xitay yéziqidiki sehipisi bolghan tor béti bolup, Uyghurlargha a'it bezi sezgür mesililer otturigha qoyulghanliqi sewebidin, xitay hökümiti teripidin cheklinip kéliwatqan, köp qétim taqalghan tor béti idi.

Bundin 2 ay ilgiri "Uyghur biz" tor bétining sahibi, musteqil tetqiqatchi ilham toxti ependi fransiye sepiride, fransiye agéntliqining hem erkin asiya radi'o istansisi Uyghur bölümining ziyaritini qobul qilghan chaghda, xitayning Uyghur élide yürgüzüwatqan qattiq qol siyasitini hem xitayning Uyghur aptonom rayonigha békitilgen re'isi nur bekrini tenqid qilghanliqi üchün "Uyghur biz" tor béti buyruq bilen xitay hökümiti teripidin 7 - qétim taqalghan idi.

Toluq bet