Ürümchining da'imliq nopusi 3 milyon 112 mingdin ashti

Xitayning eng yéngi nopus istilistikiliq xewirige asaslan'ghanda ürümchi shehirining da'im turushluq nopusi 3 milyon 112 ming 559 ademge yetken bolup, melum bolushiche nopusning köpiyish sür'iti bir qeder téz bolghan. Emma ürümchining köchme nopusi heqqide melumat bérilmigen.
Muxbirimiz ümidwar
2011-09-18
Élxet
Pikir
Share
Print

"Yashin tori" ning xewer qilishiche, mezkur 3 milyon 112 ming nopusning 74.91% Xitaylar bolup, bashqa milletler 25.9%ni Igileydiken. Ürümchidiki da'imliq turushluq xitaylarning sani 2 milyon 331 mingdin artuq bolup, xitay emes milletlerning sani 780 ming etrapida iken.

Xewerde, ürümchide yashaydighan Uyghurlarning nopus ehwali heqqide melumat bérilmigen, emma 10 yil ichide xenzularning 764 ming, az sanliq milletlerning  266 ming adem köpeygenliki, az sanliq milletlerning köpiyishining xenzulardin yuqiri ikenliki körsitilgen.

Biraq Uyghur mutexessislerning qarishiche, ürümchi Uyghur aptonom rayonining merkizi bolushigha qarimay, bu sheherdiki Uyghurlarning köpiyish xitaylargha qarighanda töwen bolup, Uyghurlar bir qanche qétim nopus jehette qisqirashqa duch kelgen.

Dunya Uyghur qurultiyining bayanatchisi dilshat rishitning bildürüshiche, 5-iyul weqesi munasiwiti bilen ürümchide élip bérilghan ijare öylerni tekshürüsh, tizimlash we gumanliq kishilerni tutush sewebidin ürümchige kélip tirikchilik qiliwatqan Uyghurlarning nopusi azlap ketken hemde Uyghurlarning ürümchige orunlishishimu qiyinlashqan.

Hökümet statistikiliri boyiche alghanda, 1949-yili, ürümchi shehirining nopusi 60 ming etrapida bolup, nopusning yérimini xitaylar igiligen, pütün Uyghur éli boyiche xitaylarning nopusi 200 ming etrapida bolup, ahalining 5% igiligen, Uyghurlar bolsa, 80% ge yéqin bolup, barliq xitaydin bashqa milletler qoshulup, 95% ni igiligen idi. Uyghur élining jenubida xitaylarning nisbiti yoq déyerlik halette idi.

6-Qétimliq nopus tekshürüshte, xitaylarning pütün Uyghur élidiki nopus nisbiti 41 % yetken bolup, nöwette ürümchi we pütün Uyghur élidiki, bolupmu qeshqer, xoten,aqsu, korla qatarliq wilayetlerdiki xitaylarning sanining téz sürette köpiyiwatqanliqi inkas qilinmaqta. Xitay yene ürümchini yéqin arida besh milyon nopusluq chong sheherge aylandurush istratégiyisini belgiligen idi.

Toluq bet