Хитай даирилири үрүмчигә 40 миң бихәтәрлик камераси орунлаштурғанлиқини елан қилди

Хитай даирилири"5‏ - июл вәқәси"ниң бир йиллиқ хатирә күни йетип келиштин бурун баянат елан қилип, үрүмчи шәһиригә 40 миң данә бихәтәрлик камераси орунлаштурулғанлиқини билдүрди.
Мухбиримиз әркин
2010-07-02
Share

"Шинҗаң иқтисади гезити"ниң йәрлик даириләрдин нәқил кәлтүрүп хәвәр қилишичә, бу камералар үрүмчидики 3 миң коча аптобуси, 200 аптобус бекити, 4 миң коча, чоң ‏-кичик болуп 100 дин артуқ сода дуканлириға орунлаштурулған.

"Шинҗаң иқтисади гезити"ниң хәвиридә камераларниң "аммиви сорунларниң бихәтәрликигә капаләтлик қилип, һәр милләт хәлқини иҗтимаий мулазимәттин бәһриман қилиш, тинч астанә бәрпа қилиш үчүн" орунлаштурулғанлиқини илгири сүргән. Лекин хитай даирилириниң бу тәдбирини тәнқид қилғучилар камираларниң асаслиқи уйғурлар мәркәзлик олтурақлашқан мәһәллә вә кочиларға орунлаштурулғанлиқини әскәртип, буниң уйғурларни техиму қаттиқ назарәт қилишқа қаритилғанлиқини билдүрмәктә.

Хитай мәтбуатлири бу йилниң башлири елан қилған бу һәқтики хәвәрлиридә үрүмчигә 70 миң камера орунлаштурулидиғанлиқини илгири сүрүлгән иди. Лекин һазир орунлаштурулған 40 миң камераниң хитай мәтбуатлирида баян қилинған 70 миң камераниң бир қисими икәнлики яки даириләрниң 40 миң камерани йетәрлик дәп қарап, 70 миң камера орунлаштуруштин ваз кәчкәнлики мәлум әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт