Xitay da'iriliri ürümchige 40 ming bixeterlik kamérasi orunlashturghanliqini élan qildi

Xitay da'iriliri"5‏ - iyul weqesi"ning bir yilliq xatire küni yétip kélishtin burun bayanat élan qilip, ürümchi shehirige 40 ming dane bixeterlik kamérasi orunlashturulghanliqini bildürdi.
Muxbirimiz erkin
2010-07-02
Share

"Shinjang iqtisadi géziti"ning yerlik da'irilerdin neqil keltürüp xewer qilishiche, bu kaméralar ürümchidiki 3 ming kocha aptobusi, 200 aptobus békiti, 4 ming kocha, chong ‏-kichik bolup 100 din artuq soda dukanlirigha orunlashturulghan.

"Shinjang iqtisadi géziti"ning xewiride kaméralarning "ammiwi sorunlarning bixeterlikige kapaletlik qilip, her millet xelqini ijtima'iy mulazimettin behriman qilish, tinch astane berpa qilish üchün" orunlashturulghanliqini ilgiri sürgen. Lékin xitay da'irilirining bu tedbirini tenqid qilghuchilar kamiralarning asasliqi Uyghurlar merkezlik olturaqlashqan mehelle we kochilargha orunlashturulghanliqini eskertip, buning Uyghurlarni téximu qattiq nazaret qilishqa qaritilghanliqini bildürmekte.

Xitay metbu'atliri bu yilning bashliri élan qilghan bu heqtiki xewerliride ürümchige 70 ming kaméra orunlashturulidighanliqini ilgiri sürülgen idi. Lékin hazir orunlashturulghan 40 ming kaméraning xitay metbu'atlirida bayan qilin'ghan 70 ming kaméraning bir qisimi ikenliki yaki da'irilerning 40 ming kamérani yéterlik dep qarap, 70 ming kaméra orunlashturushtin waz kechkenliki melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet