Алаһидә сақчилар үрүмчидә ишқа чүшти

5 - Июл вәқәсидин кейин хитай даирилири уйғур елидә 5 миң кишилик алаһидә сақчи қисми қурған иди. Мәлум болушичә, бу қисимларниң иккинчи түркүми ишқа чүшкән.
Мухбиримиз җүмә
2010.08.28
Share on WhatsApp
Share on WhatsApp

Үрүмчи торида көрситишичә, 25 - авғуст уйғур елидики җамаәт хәвпсизлик назаритидә мәзкур сақчиларниң чениқишини тамамлаш вә ишқа чүшүш мурасими өткүзүлгән. Бу нөвәт ишқа чүшкән сақчиларниң сани 1200 нәпәрдин ашидикән.

Хәвәрдә көрситишичә, хитай мәркизий һөкүмити уйғур елидә тәсис қилған 5 миң кишилик алаһидә сақчиниң 2300 нәпири бу йил 4 - март ишқа чүшүп болған икән.

Уйғур аптуном райини җамаәт хәвпсизлик назири җу чаңҗийениң билдүрүшичә, мәзкур сақчилар 50 күн йепиқ һаләттә тәрбийиләнгән. Булар уйғур елидә җәмийәт муқимлиқини сақлаш хизмити өтәйдикән.

Хитай һөкүмити "5 - июл вәқәси" дин кейин уйғур елигә йөткигән һәрбий қисимлирини өзгәртип, қораллиқ сақчи қисминиң уйғур елидә турушлуқ 6 - тармақ әтритини қурған вә бир қисимлирини сақчи қилип өзгәрткән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.