Alahide saqchilar ürümchide ishqa chüshti

5 - Iyul weqesidin kéyin xitay da'iriliri Uyghur élide 5 ming kishilik alahide saqchi qismi qurghan idi. Melum bolushiche, bu qisimlarning ikkinchi türkümi ishqa chüshken.
Muxbirimiz jüme
2010.08.28
Share on WhatsApp
Share on WhatsApp

Ürümchi torida körsitishiche, 25 - awghust Uyghur élidiki jama'et xewpsizlik nazaritide mezkur saqchilarning chéniqishini tamamlash we ishqa chüshüsh murasimi ötküzülgen. Bu nöwet ishqa chüshken saqchilarning sani 1200 neperdin ashidiken.

Xewerde körsitishiche, xitay merkiziy hökümiti Uyghur élide tesis qilghan 5 ming kishilik alahide saqchining 2300 nepiri bu yil 4 - mart ishqa chüshüp bolghan iken.

Uyghur aptunom rayini jama'et xewpsizlik naziri ju changjiyéning bildürüshiche, mezkur saqchilar 50 kün yépiq halette terbiyilen'gen. Bular Uyghur élide jem'iyet muqimliqini saqlash xizmiti öteydiken.

Xitay hökümiti "5 - iyul weqesi" din kéyin Uyghur élige yötkigen herbiy qisimlirini özgertip, qoralliq saqchi qismining Uyghur élide turushluq 6 - tarmaq etritini qurghan we bir qisimlirini saqchi qilip özgertken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.