Үрүмчидә бир йилда йәнә миңдин артуқ әйдиз юқумдари көпәйди

Үрүмчи шәһәрлик сәһийә даирилириниң 31 - март елан қилған үрүмчи әйдиз юқум әһвали һәққидики доклаттин ашкарилинишичә, 2008 - йилда үрүмчидики тизимға елинған әйдиз юқумдарлириға йәнә 1087 нәпәр юқумдар қошулған болуп бу әйдиз юқум әһвалиниң 2007 - йилиға қариғанда %4 дин артуқ өрлигәнликини көрситидикән.
Мухбиримиз гүлчеһрә
2009-03-31
Share

1995 - Йили уйғур елидә тунҗи әйдиз юқумдари байқалғандин буян әнгә елинған әйдиз юқумдарлири 25615 ға йәтти, буниң ичидә 9000 нәпәрдин артуқи үрүмчидә әнгә елинған. Һазир үрүмчидики әйдизләр уйғур елидики әйдиз юқумдарлириниң %34.5 Тини тәшкил қилиду.

Үрүмчи сәһийә даирилириниң доклатида көрситилишичә, мунасивәтлик даириләр әйдиз юқумдарлири үстидин из қоғлап тәкшүрүшкә қабил болмиғанлиқтин,әйдиз юқумдарлириниң қандақ йоллар билән қайси даиридә әйдиз вируси тарқитиватқанлиқидин хәвәрсиз қалмақта һәм мувапиқ алдини елишқа амалсиз икән.

Доклаттин мәлум болушичә, үрүмчи сәһийә даирилирини әндишигә селиватқан йәнә бир мәсилә, үрүмчидики әйдиз юқумдарлиринниң %82 тин артуқи асасән 20 яштин 39 яшқичә болуп, илгирики йилларда әр юқуумдарларниң нисбити асаслиқ салмақни игиләп келиватқан болса 2007 - йилидин башлап аялларниң нисбитидә чоң сан өзгириши көрүлгән. Буниң билән анидин балиға юқуш нисбитидиму өрләш көрүлгән.

Үрүмчи сәһийә даирилириниң елан қилишичә үрүмчиниң әйдиз вәзийити илгирикидинму җиддий болмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт