Ürümchi shehiride özini partlitiwélish weqesi yüz berdi

2 - Aprél, Uyghur élining ürümchi shehiride özini partlitiwélish weqesi yüz bérip, partlashta bir adem ölgen we ikki adem yarilan'ghan.
Muxbirimiz jüme
2009-04-02
Share

Fransiye agéntliqida körsitilishiche, xitay saqchiliri özini partlitiwalghuchining xitay millitidin ikenliki, ürümchi say yoli rayonigha jaylashqan melum bir shirketke qerzini süylep barghanliqi, emma axirida özini partlitiwalghanliqini bildürgen.

Xitay saqchiliri yene, özini partlatquchining familisi xen ikenliki, özni partlitiwélishining aldida "shirkettin alidighan 4 ming 500 yüen pulum bar" dep éytqanliqini bildürgen.

Melum bolushiche, xen qara somkida partlatquch élip, ishxanigha kirgen bolup, shirketning ikki neper xadimi uni bombini partlatmasliqqa köndürmekchi bolghan bolsimu, emma gepke kirmigen xen bombini partlitiwetken. Netijide xen neq meydanda ölgen we ikki neper ishxana xadimi yénik derijide yarilan'ghan.

Xitay metbu'atliri, mezkur weqeni héchqandaq namlar bilen atimighan bolup, nöwette weqening tepsilati tekshürülmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet