Үрүмчидә 2010 - йил ахириғичә пүтүн сорақ җәрянини синалғуға елиш әмәлгә ашурулмақчи

Хитайниң тәңритағ ториниң хәвәр қилишичә, 2010 - йили йил ахириғичә, үрүмчидики җамаәт хәвпсизлик идарисигә тәвә болған һәр қайси әтрәтләр, сақчиханилар, дөләт бихәтәрлик идариси, зәһәр чәкләш орунлири, разведка идарилири қатарлиқ һәр қайси җайларда җинайәт гумандарлирини сорақ қилишниң пүтүн җәрянини синалғуға елиш әмәлгә ашурулидикән.
Мухбиримиз миһрибан
2010-05-04
Елхәт
Пикир
Share
Принт

Хәвәрдә бу бәлгилиминиң чиқирилишидики мәқсәт һәққидә тохтилип, пүтүн сорақ җәряниниң синалғуға елинишиниң делоларни паш қилишқа қулайлиқ яритиш һәм җинайәт гумандари дәп тутулған кишиләрниң сорақ җәрянидики қануний һәқ - һоқуқлириға капаләтлик қилиш үчүн икәнлики оттуриға қойған.

Мәлум болушичә, хитайда болупму уйғур аптоном райони тәвәсидә җинайәт гумандарлириниң сорақ җәрянида тән җазасиға учраш әһвали еғир болуп, бултур 5 - ай мәзгилидә йәкән наһийисидин дилбәр тохти радиомиз уйғур бөлүмигә хәт йезип ери мәмәт турсун ташниң сақчиханида сорақ җәрянида сақчилар тәрипидин уруп өлтүрүветилгәнликини паш қилған иди.

Толуқ бәт