Ürümchide 2010 - yil axirighiche pütün soraq jeryanini sin'alghugha élish emelge ashurulmaqchi

Xitayning tengritagh torining xewer qilishiche, 2010 - yili yil axirighiche, ürümchidiki jama'et xewpsizlik idarisige tewe bolghan her qaysi etretler, saqchixanilar, dölet bixeterlik idarisi, zeher cheklesh orunliri, razwédka idariliri qatarliq her qaysi jaylarda jinayet gumandarlirini soraq qilishning pütün jeryanini sin'alghugha élish emelge ashurulidiken.
Muxbirimiz mihriban
2010-05-04
Élxet
Pikir
Share
Print

Xewerde bu belgilimining chiqirilishidiki meqset heqqide toxtilip, pütün soraq jeryanining sin'alghugha élinishining délolarni pash qilishqa qulayliq yaritish hem jinayet gumandari dep tutulghan kishilerning soraq jeryanidiki qanuniy heq - hoquqlirigha kapaletlik qilish üchün ikenliki otturigha qoyghan.

Melum bolushiche, xitayda bolupmu Uyghur aptonom rayoni teweside jinayet gumandarlirining soraq jeryanida ten jazasigha uchrash ehwali éghir bolup, bultur 5 - ay mezgilide yeken nahiyisidin dilber toxti radi'omiz Uyghur bölümige xet yézip éri memet tursun tashning saqchixanida soraq jeryanida saqchilar teripidin urup öltürüwétilgenlikini pash qilghan idi.

Toluq bet