Нейвҗерсий штатида җиназа намизи оқулди

Америкидики уйғурларниң паалийәтлириму түрлүк шәкилдә давамлашмақта вашиңтон, нийорк, калифорнийә, тәниси шитатлиридики уйғурлар намайиш қилиш, тәшвиқат равақлирини тарқитиш, мәтбуатларға баянат бериш қатарлиқ түрлүк шәкилдики паалийәтлири арқилиқ уйғурларниң хитай коммунистлириниң һөкүмранлиқи астидики қисмәтлири вә 5 - июлдики қирғинчилиқ һәққидә мәлуматлар бәрмәктә.
Мухбиримиз үмидвар
2009-07-12
Share

Бу сәпкә илгири уйғурларниң паалийәтлиригә қатнашмайдиғанларму келип қатнишип, өзлириниң қәлбини изһар қилмақта.
 
Америка мәтбуатлирида охшашла һәр күни дегүдәк түрлүк мақалилар, учурлар елан қилинмақта. Игилишимизчә, уйғурларға һесдашлиқ қилиш вә уларни қоллаш паалийәтлиригә америкидики түрк вә башқа түркий тилда сөзлишидиған җамаәтләрму актип қатнишиватқан болуп, бүгүн невҗерсий штатиниң патерсон шәһиридики улуғ җамидә 5 - июлда қирғинчилиққа учриған уйғурларниң җиназа намизи оқуш паалийити өткүзүлгән.

Бу паалийәткә нийорк шәһиридики бир қисим уйғурлар, нәвҗерсий шитатидики өзбек, түрк, қарачай, балқар қатарлиқ түркий милләтләрниң вәкиллири қатнашқан.

Қарачай миллитидин болған мәсчит имами синан геклә зияритимизни қобул қилип, өзиниң қәтли қилинған уйғур қериндашлириға болған тәзийисини билдүрди һәмдә бундақ қирғинчилиқларға қарачай, балқар , дағистан хәқлириниң буниңдин 60 йиллар илгири сталин дәвридә көп қетим учриғанлиқини әсләп өтти.

Җиназа намизи паалийитигә уйғур зиялийлири вә җамаәт әрбаблиридин ғоламидин пахта, турди ғоҗа, мәмәт имин вә башқиларму қатнашқан болуп, улар уйғурлар мәсилиси һәққидә мәлумат бәргән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт