Xitay ürümchide diniy kitablargha zerbe bérishni dawamlashturmaqta

Shinxu'a agéntliqining xewirige qarighanda, 2 - ay kirgendin buyan ürümchi sheherlik jama'et xewpsizlik idarisi ürümchini merkez qilghan halda, diniy kitablarni yighip musadire qilishni dawamlashturmaqta iken.
Muxbirimiz mihriban
2010-02-10
Share

Xewerdin melum bolushiche, 6 - féwral ürümchi sheherlik jama'et xewpsizlik idarisi lenjudin élip kélin'gen 13 tonna éghirliqtiki diniy kitabni musadire qilghan.

Ürümchi sheherlik saqchi da'irilirining bildürüshiche, bu kitablarni lenjudin yötkep kelgüchi rozi isimlik 26 yashliq Uyghur bolup, u, qeshqer kona sheher nahiyisidin iken. Uning bilen birlikte kitablarni yötkep kelgen yene bireylenni bolsa saqchi da'iriliri tutush buyruqi chiqarghan.

Xitay da'iriliri her xil bahaniler bilen Uyghurlarning diniy étiqad erkinlikini cheklep zerbe bérish herikitini uzundin buyan dawamlashturup kéliwatqan bolup, dunya Uyghur qurultiyi we xelq'ara jem'iyet xitayni puqralarning diniy erkinlikini boghush bilen eyiblep kelmekte idi.

Dunya Uyghur qurultiyi bayanatchisi dilshat rishit ependi ziyaritimizni qobul qilip, xitay hökümitining Uyghurlar üstidin élip bériwatqan qattiq basturush herikitini eyibleydighanliqini bildürdi.

U yene, xitay hökümitining Uyghurlarning normal diniy étiqad erkinlikini boghuwatqanliqini, xelq teripidin neshr qilin'ghan diniy kitablarni "qanunsiz diniy kitablar" dep musadire qiliwatqanliqini qattiq eyiblidi we xelq'arani xitay hökümitige dawamliq bésim ishlitishke chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet