Үрүмчи кочилирида йиңнә санҗип адәм яриландуруш вәқәси әнсизлик яратти

Үрүмчи вәқәсидин кейин үрүмчи кочилирида намәлум кишиләр тәрипидин йиңнә санчип зәхмиләндүрүш вәқәлири мәйданға келиватқан болуп, бу вәқә җәмийәттә қаттиқ әндишә пәйда қилған.
Мухбиримиз ирадә
2009.09.03

Уйғур аптоном районлуқ һөкүмәт чаршәнбә күни чүштин кейин мухбирларни күтүвелиш йиғини чақирип вәқә һәққидә мәлумат бәргән. Улар бу вәқәниң садир болған орунлириниң кәң даиридә вә туюқсиз болғанлиқини, җинайәт гумандариниң йөткүлүп туруп вәқә туғдурғанлиқини, зиянкәшликкә учриғучиларниң йиңнә билән зәхмиләндүрүлгәндин кейин вәқәни мәлум қиливатқанлиқини ейитқан.

Шинҗаң қанун комитетиниң башлиқи җу хәймиң мухбирларға қилған сөзидә, һазирғичә вәқәгә мунасивәтлик 15 җинайәт гумандарини қолға алғанлиқини, арисидин 6 кишиниң мәмури җәһәттин тохтитип қоюлғанлиқини, 4 кишиниң рәсмий қолға елинғанлиқини ейитқан. Әмма җу хәймиң бу кишиләрниң миллити вә исим - фамилилири һәққидә һечқандақ мәлумат бәрмигән.

Җу хәймиң йәнә һазирғичә йиңнә билән зәхмиләндүрүлгән кишиләрниң һечбиридә бирәр вирус билән юқумлиниш яки бирәр химийивий маддидин зәһәрлиниш аламәтлириниң көрүлмигәнликини, һечкимниң техи бу сәвәблик балнтстқа елинмиғанлиқини ейитқан.

Мәлум болушичә, һазирғичә 400 дин артуқ киши йиңнә билән зәхмиләндүрүлгән болуп, бу үрүмчидә кишиләр арисида қаттиқ вәһимә пәйда қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.