Uyghur aptonom rayoni da'iriliri Uyghur ili ma'aripini 2020‏- yili xitayning memliketlik otturiche sewiyisige yetküzidighanliqini élan qildi

Uyghur aptonom rayoni hökümiti jüme küni axbarat élan qilish yighini chaqirip, Uyghur ili ma'arip tereqqiyatini 2020 ‏- yili xitayning memliketlik otturiche sewiyisige yetküzidighanliqi we gherbiy shimaldiki ölke, aptonom rayonlar ichide 1‏- orun'gha chiqiridighanliqini jakarlidi.
Muxbirimiz erkin
2011-01-21
Share

Da'iriler jüme künidiki axbarat élan qilish yighinida "aptonom rayonning ottura- uzun muddetlik ma'arip islahat we tereqqiyat programmisi"ni élan qilghan.
Mezkur programmida milliy ma'arip tereqqiyatini 2020‏- yili xitayning memliketlik otturiche sewiyisige yetküzüsh otturigha qoyulghan.

Mezkur programmida "qosh tilliq ma'arip"ni omumlashturush bu pilanining emelge éshish yaki ashmasliqida hel qilghuch rol oynaydighanliqi ilgiri sürülgen. Xitay hökümiti 2009 ‏- yili yüz bergen 5"- iyul weqesi"din kéyin, ma'arip ishlirigha meblegh sélishni kücheytip, "qosh tilliq ma'arip"ni omumlashturushni tézletken. Uyghur aptonom rayoni hökümiti 2010‏- yili 9‏- ayning 3‏- küni "ma'arip islahat we tereqqiyat programmisi"ni maqullap, jem'iyetning pikir bérishige sun'ghan. Pikir élish ikki heptidek dawam qilghan idi.

Lékin, da'iriler kimlerning pikrini alghanliqi we qandaq pikirlerning chüshkenliki heqqide héchqandaq uchur élan qilip baqmidi. Qarshi pikirdiki öktichiler Uyghur milliy ma'aripining istiqbaligha munasiwetlik mushundaq zor mesilide pikir bérishke aran 2 heptilik waqit bérilgenlikini we pikir élishning shekilwazliq ikenlikini tenqid qilghan.

Bu qarashtiki kishiler, programmida otturigha qoyulghan nishanning emelge éshishigha guman bilen qaraydighanliqini eskertip, mezkur pilan Uyghur ana tili ma'aripini boghush asasigha qurulghanliqini, kelgüsi 8 yilda Uyghur perzentlirining xitay tili öginish bilen aware bolup, asasi penlerge waqit yetishtürelmeydighanliqini bildürmekte. Lékin, ma'arip nazaritining naziri tursun ibrahim, jüme künidiki axbarat élan qilish yighinida mezkur programmini choqum orundaydighanliqini we "qosh tilliq ma'arip"ni omumlashturush xizmitini ching tutidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet