Uyghur aptonom rayoni xitay ölkiliridin alahide oqutquchi qobul qilmaqchi

Bu qétim qobul qilin'ghan bu oqutquchilar, Uyghur aptonom rayonidiki 13 oblast, wilayettiki 81 nahiyidiki mekteplerge seplinidighan bolup, nahiyilik mektepler shundaqla yézilardiki mekteplergimu orunlashturulidiken. Yéza mekteplirige qobul qilinidighan oqutquchilar choqum " qosh tilliq " bolishi telep qilinidiken.

Uqturushta yene, xitay ölkiliridiki uniwérsitétlardin, gherbni échish pilanigha qatnashqan studéntlargha, munewwer aliy mektep oqughuchilirigha, xitay ölkiliridin Uyghur aptonom rayonigha kélip herbiy xizmet ötesh mudditi tolghandin kéyin dawamliq Uyghur ilide qalghan eskerlerning jörilirige alahide étibar bérilidighanliqi, ularning imtihan netijilirige 5 nomur qoshup bérilidighanliqi alahide eskertilgen.

Uyghur ilide, eslidiki ottura, bashlan'ghuch mektep oqutquchiliri, xitay tili sewiyisi töwen dégen bahanide oqutquchiliqtin qalduruluwatqan, uniwérsitétni tügetken studéntlarning xizmet tépish shara'iti qiyin boluwatqan mushundaq bir shara'itta, Uyghur aptonom rayon da'irilirining xitay ölkiliridin xitaylarni ekélip, Uyghur mekteplirige orunlashturmaqchi boluwatqanliqi, Uyghur ilidiki naraziliq keypiyatlirining küchiyishige seweb bolmaqta.