Уйғур ели ядикарлиқлири қоюлған көргәзмә америкида ечилиду

Хитайдин чиқидиған "йәршари вақит гезити"дә көрситишичә, көргәзмә 2011 - йили 20 - январ тексас штати һюстон шәһәрлик пән -техника музейида ечилидикән.

Көргәзмигә қоюлған буюмларниң һәммиси уйғур елидики районлуқ музейдин елип келингән. Хәвәрдә көрситишичә, бәзи қезилмилар 4 миң йиллиқ тарихқа игә икән.

Хәвәрдә нәқил қилишичә, хитай даирилири мәзкур көргәзминиң америка хәлқини "йипәк йоли" асарә - әтиқилирини көрүш пурситигә игә қилиш вә икки мәдәнийәт арисида чүшинишни илгири сүрүш мәқситидә ечилғанлиқини илгири сүргән.

Көргәзминиң, дуня җамаәтчилики уйғур райони вәзийитигә йеқиндин диққәт қиливатқан пәйтләрдә америкиға орунлаштурушида йәнә немә мәқсәтләрниң барлиқи һазирчә намәлум. Хитай уйғур елидин тепилған асарә - әтиқиләрни даим сиясий мәқсәттә өзгәрткән вә уйғур ели тарихини бурмилап кәлгән иди.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар