Xitay da'iriliri uchar yézisida kelkündin özini qutuldurghanlarni qolgha aldi

Yéngisar nahiyisining uchar yézisida körülüp baqmighan derijide zor kelkün apiti yüz bergen bolup, 10 mingdin artuq kishi apetning ziyinigha uchrighan.
Muxbirimiz irade
2010-06-17
Share

Dunya Uyghur qurultiyining bayanatchisi dilshat rishitning radi'omizgha bildürüshiche, hökümet da'iriliri apettin qutquzush tedbirlirini waqtida almighan. Hökümettin yardem alalmighandin kéyin özini qutquzush üchün heriket qilghanlarni bolsa "jem'iyetni qalaymiqan qilish" jinayiti bilen eyiblep 13 neper Uyghurni qolgha alghan.
 
Istansimiz muxbiri ehwalni igilesh üchün uchar yéziliq saqchixanigha téléfon qilghinida, saqchi 13 kishining qolgha élin'ghanliqini inkar qilmighan. U muxbirgha "men bu so'alingizgha jawab bérelmeymen" dégen.

Yerlik Uyghurlarning bildürüshiche, apettin kéyin hazirghiche hökümet da'iriliri apet rayonigha aran 30 chédir yollighan. Buningdin sirt apet rayonidiki sehiye saqliqni saqlash etriti apetke uchrighan xelqtin dora puli we dawalinish heqqi alghan bolup, bu amma arisida küchlük naraziliq qozghighan.

Dilshat rishit ependi uchar yézisi xitay da'iriliri teripidin dini eqidisi küchlük rayon dep békitilip, nuqtiliq özgertish élip bériliwatqan yéza bolghanliqtin, apettin qutquzush xizmitining yaxshi élip bérilmaywatqanliqini ilgiri sürdi.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet