Xitayning 2009‏ - yili Uyghur élida bir terep qilin'ghan dölet bixeterlik dilolirigha a'it sanliq melumati talash ‏- tartish qozghidi

Uyghur aptonom rayoni yuqiri sot mehkimisining bashliqi rozi ismayil aptonom rayoni xelq qurultiyining yighinida doklat bérip, 2009‏ - yili "shinjang"miqyasida dölet bixeterlikige ziyan sélishqa munasiwetlik 437 diloning bir terep qilin'ghanliqini, buning ichide 10 yildin artuq jazagha höküm qilin'ghan kishilerning 255 neper ikenlikini bildürgen.
Muxbirimiz erkin
2010-01-15
Share

Rozi ismayilning éytishiche, ürümchide yüz bergen "5 - iyul weqesi"din kéyin, da'iriler yerlik sot mehkimilirige qaratqan nazaretchilik we yitekchilikni kücheytip, "5 - iyul weqesi"de qolgha élin'ghan tutqunlargha a'it dilolarning bir terep qilinishigha kapaletlik qilghanliqini ilgiri sürgen.

Dunya Uyghur qurultiyi rozi ismayilning doklatigha inkas qayturup, rozi ismayil élan qilghan sanliq melumat "5 - iyul weqesi"din kéyin qolgha élin'ghan Uyghurlarning intayin az sandiki bir qisimidin ibaret dep körsetti.

D u q bayanatchisi dilshat rishit, sot ishlirining ochuq - ashkara bolmighanliqini tenqidlep, sotlanmay jazalan'ghan tutqunlarning sani rozi ismayil élan qilghan bu sandin nechche hesse köplikini bildürdi. Xitay "5 - iyul weqesi"din kéyin Uyghur ilida arqa - arqidin sot échip, nurghun kishini ölüm jazasigha höküm qilghan idi.

Xelq'ara jem'iyet xitayni eyiblep, ürümchidiki sotni "siyasiylashturush" we xelq'ara edliye ölchimige xilapliq qilish bilen tenqidligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet