Xitay, téxiche tinjimighan Uyghur yurtlirida kimlik tekshürüshni kücheytmekte

Fransiye agéntliqining bayan qilishiche, xitay da'iriliri ürümchide yüz bergen 5‏ - iyol weqesini basturghandin kéyin, hazirghiche tinjimighan Uyghur yurtlirida kimlik tekshürüshni we bezi diniy pa'aliyetlerni tekshürüshni kücheytti.
Muxbirimiz weli
2010.01.06

Shundaqla xitay saqchilirining we qanun organlirining bu rayonda térrorchi, bölgünchi, ékistérmichi dep atalghan 'üch xil düshmen küch'lerni tamar qilishigha yardem béridighan yéngi belgilime tüzüp chiqti.

Shinxu'a torining xewer qilishiche, bügün ürümchide Uyghur aptonom rayonluq xelq qurultéyi da'imi komitéti axbarat yighini échip, yéngidin tüzitilgen 'Uyghur aptonom rayonida jem'iyetni bir tutash tüzesh nézami' dep atalghan yéngi belgilime 2‏ - ayning 1 - künidin bashlap ijra qilinidighanliqini we bu belgilime buyiche, 'üch xil küchler'ning dölet bixeterliki jehettiki jinayi qilmishlirigha qattiq zerbe bérilidighanliqini jakarlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.