Уйғур елиниң җәнубий боранниң һуҗумиға учрап, икки адәм өлгән

Уйғур ели сақчи вә һава райи даирилириниң мәлуматиға қариғанда пәйшәнбә күни тәклимакан чөллүкиниң шимали вә ғәрбий - шималидики районларда қаттиқ боран чиқип, икки адәмниң өлүши, 6 адәмниң ярилинишини кәлтүрүп чиқарған.
Мухбиримиз әркин
2009-04-17
Share

Ақсудики йәрлик сақчи даирилири саитигә 50 километир тезликтики боранниң қатнаш ишлирини паләч һалға чүшүрүп қойғанлиқини билдүргән.

Шинхуа агентлиқиниң хәвәр қилишичә, ақсу вилайитидә 60 яшлардики бир кишини һойлисиниң әтрапидики терәк бесивелип өлгән. Буниңға охшаш йәнә бир вәқә онсуда  йүз бәргән. Йәрлик һава райи идариси " бәзи җайларда боранниң саәтлик тезлики 80 километирға йәткәнлики"ни, лекин ақсуда боранниң сүрити бир аз пәсийип, 50 колометирға астилиғанлиқини билдүргән.

Боран ақсу вә турпан вилайәтлиридә қатнаш ишлириға кашила туғдуруп, таш йол вә һава қатнишиниң бир мәзгиллик үзүлүп қелишини кәлтүрүп чиқарған. Ақсу айдуроми пәйшәнбә күни тақалған болуп, шихуа агентлиқи айдурумниң җүмә күни қайта ечилғанлиқини хәвәр қилди. Йәрлик мәтбуатлар ақсу шәһәр ичидә 8 яшлардики бир қиз билән 3 аялниң боран сәвәби яриланғанлиқини билдүргән.

Уйғур ели һәр йили баһар пәслидә қум боранниң һуҗумиға учраватиду. Боран 2007 ‏ - йили 2 ‏ - айда бир пойизни өрүвәткән, вәқәдә 3 адәм өлгән иди.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт