Уйғур алий мәктәп оқуғучиларниң аз кәм 98 % и хитайниң өз дөлити икәнликини тән алмайду

Хитайларниң чәтәлдә чиқидиған бошүн тор бекити елан қилған йеқинқи рай синаш нәтиҗисидин мәлум болушичә, толуқ оттура мәктәпни оқуған уйғур оқуғучилириниң 87.97 Пирсәнти хитайни өзиниң дөлити һесаблимайдикән.
Мухбиримиз әркин
2010.10.04
Share on WhatsApp
Share on WhatsApp

Тәкшүрүш нәтиҗисидин қариғанда, хитайни "өз дөлити" дәп тән алидиған уйғурларниң нисбити кәспи, тәбиқә вә районларға қарап пәрқләнгән. Хитайни "өз дөлити" дәп қарайдиған уйғурларниң ичидә кадирларниң нисбити әң көп болуп, рай синаш паалийитигә қатнашқан уйғур кадирлириниң 89. 24 Пирсәнти хитайни тән алидиғанлиқини билдүргән болсиму, лекин 57.34 Пирсәнт кадир буниңға җаваб беришни рәт қилған. Алий уйғур мәктәп оқуғучилириниң аран 47.2 Пирсәнти хитайни "өз дөлити" дәп тән алидиғанлиқини билдүргән.

Йеқинқи 2 йил ичидә толуқ оттура мәктәпни пүттүрүп, аилисидә деһқанчилиқ ишлириға қатнишиватқан яки хизмәт қиливатқан уйғурларниң 87.97 Пирсәнтини хитайни "мениң дөлитим әмәс" дәп қарайдиғанлиқи мәлум болған.
 
Рай синаш нәтиҗисидин йәнә, мүлүк болушичә, сода билән шуғуллинидиған уйғурлардин 24.9 Писәнт адәм хитайни тән алидиғанлиқини билдүргән болуп, ичкиридә ишләмчилик қиливатқанларни өз ичигә алған ялланма ишчи - деһқанларниң аран 67.7 Пирсәнти хитайни" өзиниң дөлити" дәп қариған.
 
Лекин бошүн ториниң хәвиридә мәзкур рай синаш паалийитиниң ким тәрипидин елип берилғанлиқи ениқ ейтилмиған болуп, пәқәт "уйғурбиз" тор бекитидин мәзкур тәкшүрүшкә қатнашқан хадимларниң ашкарилишиға асасланғанлиқини билдүргән.
 
Йеқинда шинҗаң университетиниң яң җуңдуң исимлик бир профессори америка җәнубий калифорнийә университетида доклат берип, 4 дән 3 қисимдин көпрәк уйғур аһалисиниң җуңгони"өз дөлити" дәп тән алидиғанлиқини билдүргән иди.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт