Uyghur élide zor kölemde kem uchraydighan ximiyilik éléméntlar qatlimi bayqaldi

Uyghur élide zor kölemde kem uchraydighan ni'obiy we tantal qatarliq ximiyilik éléméntlar qatlimi bayqaldi. Teywen merkiziy agéntliqining xewer qilishiche, mezkur éléméntlar qatlimi aqsu wilayiti bay nahiyisi tewesidin bayqalghan.
Muxbirimiz jüme
2009-08-31
Share

Melum bolushiche, bu nöwet mezkur qatlamdin 100 ming tonna ni'obiy, 10 ming tonna tantal we kop miqdarda gafniy qatarliq kem uchraydighan métal zapisi tépilghan.

Xewerde neqil qilinishiche, xitay gé'ologiye akadémiyisi kan bayliqliri bölümining bashliqi shu xeyming, pütün xitay boyiche bayqalghan ni'obiy maddisining 80 ming tonnigha yétidighanliqi, emma bu nöwet Uyghur élide bayqalghan ni'obiy zapisining xitay boyiche eng zor kölemlik ikenlikini bildürgen.

Uning bildürüshiche, Uyghur élide bayqalghan ni'obiy zapisi 130 milyard yü'en xitay puligha yaraydiken.

Bu nöwet bay nahiyisidin bayqalghan ni'obiy qatlimi aqsu wilayiti teweside jümlidin jenubi Uyghur élide bayqalghan eng yéngi tebi'iy bayliq zapisi bolup, aqsu rayonidin ilgiri yene tebi'iy gaz we zor miqdarda néfit zapisi bayqalghan idi.

Uyghur élide minéral maddilar we dunya da kem uchraydighan ximiyilik maddilar zapisi intayin mol. Halbuki mezkur bayliqlardin yerliklerning héchqandaq menpe'etke érishelmeydighanliqi ilgiri sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.