Уйғур елидә бир күн ичидә көп җайларда йәр тәвриди

Уйғур ели йәр тәврәшни көзитиш торидин ашкарилинишичә, 17 - феврал күни сәһәрдә, қизилсуниң улуғчат наһийисидә һәмдә ақту наһийисидә айрим ‏ - айрим һалда икки қетим төт балдин юқири йәр тәврәш һадисиси йүз бәргән.
Мухбиримиз гүлчеһрә
2009.02.17
Share on WhatsApp
Share on WhatsApp

Һазирчә мәзкүр йәр тәврәшләрдә адәм өлүш яки ярилиниш әһвали көрүлгәнлики һәққидә мәлумат йоқ.

Йәр тәвригән бу наһийиләр памир етикидики йәр тәврәш бәлвеқиға җайлашқан қошна наһийиләр болуп,илгириму көп қетим йәр тәвригән. Бу ай адәттә мәзкүр районда йәр тәврәш апәтлири бир қәдәр көп күрүлидиған мәзгилдур.

Улуғчатта әң еғир бир қетимлиқ йәр тәврәш 1970 ‏ - йилларда йүз бәргән болуп, йәр тәврәш дәриҗиси 6.8 Балға йетип йәрлик аммиға һаяти тәһдит елип кәлгән һәмдә еғир иқтисадий зиян салған.

Бүгүн йәнә, чөчәк вилайитиниң дөрбелҗин наһийисидиму 3.8 Бал әтрапида йәр тәвригән болуп, йәрлик йәр тәврәшни өлчәш идарисиниң ситатистика қилишичә, мушу айниң 14 - күнидин буян уйғур елидә 3.3 Балдин юқири йәр тәврәштин 8 қетим, 4 балдин юқири йәр тәврәштин 4 қетим йүз бәргән.

Мутәхәссисләрниң билдүрүшичә, уйғур елидә инсанларниң һәрикити сәвәблик йәр тәврәш һадисилириму көпийиватқан болуп, йәр асти мәдән байлиқлириниң пилансиз ечилиши, нефит бурғилаш, су мәнбәлириниң хориши вә екологийилик муһитниң еғир вәйран қилиниши қатарлиқ сәвәбләрму йәр тәврәшкә охшаш апәтләрни кәлтүрүп чиқиридикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт