Uyghur élide bir kün ichide köp jaylarda yer tewridi

Uyghur éli yer tewreshni közitish toridin ashkarilinishiche, 17 - féwral küni seherde, qizilsuning ulughchat nahiyiside hemde aqtu nahiyiside ayrim ‏ - ayrim halda ikki qétim töt baldin yuqiri yer tewresh hadisisi yüz bergen.
Muxbirimiz gülchéhre
2009-02-17
Share

Hazirche mezkür yer tewreshlerde adem ölüsh yaki yarilinish ehwali körülgenliki heqqide melumat yoq.

Yer tewrigen bu nahiyiler pamir étikidiki yer tewresh belwéqigha jaylashqan qoshna nahiyiler bolup,ilgirimu köp qétim yer tewrigen. Bu ay adette mezkür rayonda yer tewresh apetliri bir qeder köp kürülidighan mezgildur.

Ulughchatta eng éghir bir qétimliq yer tewresh 1970 ‏ - yillarda yüz bergen bolup, yer tewresh derijisi 6.8 Balgha yétip yerlik ammigha hayati tehdit élip kelgen hemde éghir iqtisadiy ziyan salghan.

Bügün yene, chöchek wilayitining dörbéljin nahiyisidimu 3.8 Bal etrapida yer tewrigen bolup, yerlik yer tewreshni ölchesh idarisining sitatistika qilishiche, mushu ayning 14 - künidin buyan Uyghur élide 3.3 Baldin yuqiri yer tewreshtin 8 qétim, 4 baldin yuqiri yer tewreshtin 4 qétim yüz bergen.

Mutexessislerning bildürüshiche, Uyghur élide insanlarning herikiti seweblik yer tewresh hadisilirimu köpiyiwatqan bolup, yer asti meden bayliqlirining pilansiz échilishi, néfit burghilash, su menbelirining xorishi we ékologiyilik muhitning éghir weyran qilinishi qatarliq seweblermu yer tewreshke oxshash apetlerni keltürüp chiqiridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet