Xitay néfit da'iriliri kucha nahiyisidiki tebi'iy gazliqtin 50 milyard kub métir tebi'iy gaz yötkep ketken

Xitay néfit da'iriliri gherbning gazini sherqqe yötkesh turuba liniyisi arqiliq Uyghur élining kucha nahiyisi tewesidiki tebi'iy gazliqtin bu yil 27 - mayghiche 50 milyard kub métir tebi'iy gaz yötkep ketken.
Muxbirimiz jüme
2010-05-29
Élxet
Pikir
Share
Print

Shinxu'a torida körsitishke, gherbning gazini sherqqe yötkesh turuba liniyisining bashlinish nuqtilirining biri kucha nahiyisi tewesidiki "qara ikkinchi" tebi'iy gazliqigha jaylashqan.

Mezkur tebi'iy gazliqta jem'iy 16 quduq échilghan. Gazliqning kündilik tebi'iy gaz ishlep chiqirish miqdari 26 milyon kub métirgha yetken bolup, bu gazliq, "sherqning qazini gherbke yötkesh asasiy gaz liniyisi"ni gaz bilen teminlewatqan asasliq gazliqlarning biri iken.

"Sherqning qazini gherbke yötkesh asasiy gaz liniyisi" xitayning sherqiy qisimdiki 80 shehirining 300 milyon nopusini  gaz bilen teminleydiken.

Bu tebi'iy gazlar gherbning gazini sherqqe yötkesh türi boyiche ötken 6 yil jeryanida yötkep kétilgen. Xitay da'iriliri gherbning gazni sherqqe yötkesh 1 - turuba liniyisini 2004 - yili ishqa kirishtürgen. 2008 - Yili ikkinchi liniyisini tamamlighandin kéyin, 3 - liniyisi qurulushi bashlighan we 4 - liniyisini pilan'gha kirgüzgen idi.

Melum bolushiche, kucha nahiyisi tewesidiki "qara ikkinchi" gazliqta jem'iy 200 milyard kub métir tebi'iy gaz zapisi bayqalghan bolup, bu gazlarni yiligha 10 milyard kub métirdin toshisa 15 yilgha yétidiken.

Toluq bet