Uyghur élide eydizning kéngiyishi yenila jiddiy bolmaqta

Tengritagh torining xewer qilishiche, Uyghur aptonom rayonidiki alaqidar tarmaqlar, tünügün, eydiz késellikining kéngiyishining aldini élish we tizginlesh heqqide seperwerlik yighini achqan.
Muxbirimiz shöhret hoshur
2011.03.29

Yighinda oqulghan doklattin ashkarilinishiche, Uyghur élide eydiz késellikining kéngiyishi bu yilmu jiddiy weziyette turmaqta. Rayonning bultur yil axiridiki alaqidar doklatida eydiz bimarlirining sanining 33149 neper ikenliki, Uyghur rayonidiki eydiz bimarlirining san jehette xitay boyiche 5-orunda, nisbet jehette bolsa 2-orunda ikenliki ashkarilan'ghan idi.

Tünügünki yighinda gerche bu san we nisbet heqqide sanliq melumat bérilmigen bolsimu, eydizning kéngiyishining aldinqi yildikige nisbeten töwen emesliki ashkara bayan qilin'ghan. Yighindiki doklatta yene, eydizning tarqilishida ilgiriki yillarda zeherlik chékimlik wasitisi birinchi orunda bolghan bolsa, bu yil jinsiy alaqe wasitisining birinchi orun'gha ötkenliki bildürülgen.

Uyghur élidiki eydiz mesilisi muhajirettiki Uyghur közetküchiler jiddiy diqqet qilip kéliwatqan bir mesilidur.

Uyghur közetküchiler eydizning kéngiyishining aldini élish we tizginleshte netije qazinish üchün qanuniy we tébbiy charilerdin bashqa diniy we exlaqiy terbiyiningmu zörür ikenlikini, emma xitayning nöwettiki dölet bixeterlik tedbirliri muhitida saghlam bolghan diniy we exlaqiy terbiyining mumkinsizlikini otturigha qoymaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.