Uyghur mehbuslarni wirjiniye shtatigha qoyup bérish amérika awam palatasida küchlük talash - tartish qozghidi

Gu'entanamo mehbuslirining bir qismini amérika tupriqidiki türmige yötkesh we bir qismini wirjiniye shtatigha qoyup bérish pikri ulghayghanséri, mezkur mesile amérika awam palatasida küchlük talash - tartish qozghighan.
Muxbirimiz jüme
2009.05.15

Washin'gton pochtisi gézitide körsitilishiche, dölet mejislisi ezasi frank wolf mehbuslarni fayrfaks we aliksandiriye rayonliridiki türmilerge yötkesh hemde bezilirini wirjiniye shtatigha qoyup bérish pikirige qattiq qarshi chiqqan.

Dölet mejlisi ezasi frank wolf, özining Uyghur mesilisige köngül bölüp kéliwatqanliqini emma, gu'entanamodiki bir qisim Uyghur mehbuslarning öz shtatigha qoyup bérilishini toghra tapmighanliqini ilgiri sürgen.

Netijide 15 - may awam palatasida gu'entanamo mesilisini bir terep qilishta obama hökümitini dölet mejlisi bilen hemkarlishishqa qistaydighan bir parche heriket layihisi maqullan'ghan.

Nöwette amérikining gu'entanamodiki herbiy bazisida gunahsizliqi ispatlinip qoyup bérilishke teyyarlan'ghan 17 neper Uyghurni öz ichige alghan 241 neper mehbus bar bolup, bu Uyghurlardin bir qismini amérikigha yerleshtürüsh pikri meydan'gha kelgen idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.