Uyghur élide köchme nopuslar yerleshtürülmekte

Shinxu'a agéntliqining neqil keltürüshiche, Uyghur aptonom rayonluq hökümet her qaysi jaylardiki köchmen nopuslarning jaylarda turush resmiyitini béjirish xizmitini jiddiy ishlep, Uyghur aptonom rayon da'irisidiki 11 wilayet, oblast we sheherde mexsus turush salahiyiti béjirip bérish orni qurghan bolup, bundaq resmiyet béjirish orunlirining sani 2618ge yetküzülüp, hazirghiche 1 milyon 118 mingdin artuq ademge turush resmiyiti béjirip bérilgen.
Muxbirimiz ümidwar
2012-07-15
Share


Xewerde melum bolushiche, 12 - iyulghiche bolghan ariliqta Uyghur élidiki tizimgha élin'ghan köchme nopusning sani 1 milyon 710 ming iken. Aptonom rayonluq hökümetning xitay millitidin bolghan mu'awin re'isi köchme nopuslarni yerleshtürüsh xizmet sewiyisini östürüshni telep qilghan.

Ötken heptidiki xitay hökümet xewerliride hazir Uyghur élide 6 milyon ichkiridin kelgen köchme nopusning barliqi, ularning hemmisining "Shinjangda yerliship, ularning özlirini heqiqiy shinjanliqdek hés qilishi" ni qolgha keltürüsh qarar qilin'ghanliqi melum bolghan idi. Perezlerge tayan'ghanda egerche mezkur 6 milyon ichkiridin kelgen köchme nopus hazir bar 8 milyondin artuq xitay nopusi bilen birleshse, Uyghur élidiki xitay nopusi Uyghurlardin körünerlik derijide éship kétishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet