Kishilik hoquqni közitish teshkilati yumulaq üstel yighini chaqirip, Uyghur kishilik hoquq mesilisini muzakire qildi

Merkizi amérikining nyuyork shehiridiki kishilik hoquqni közitish teshkilati charshenbe küni washin'gtondiki ishxanisida yumulaq üstel yighini chaqirip, Uyghur kishilik hoquq mesilisini muzakire qildi.
Muxbirimiz erkin
2009-05-20
Share

Mezkur teshkilatning yumulaq üstel yighini chaqirish heqqidiki uqturushida Uyghurlarning nöwettiki weziyitini mundaq chüshendürgen ":shinjangda Uyghurlar  hökümetning qollishidiki xitay köchmenler éqimigha duch kélip, medeniyitini qoghdap qélish üchün küresh qilmaqta. Shuning bilen birge siyasi öktichiler we pikir erkinliki qopalliq bilen basturulmaqta".

Charshenbe künki yighinda yene, Uyghur ili weziyitining yéqinqi tereqqiyati shundaqla güentanamodiki Uyghurlar mesilisi muzakire qilindi. Kishilik hoquqni közitish teshkilatining mezkür yumulaq üstel yighini dunyadiki 20 nechche dölettin 100 ge yéqin Uyghur wekili washin'gton'gha toplinip, Uyghur herikitining kélechiki üstide muzakire élip bériwatqan mezgilde chaqirildi.

Yighinda Uyghur milliy herikitining rehbiri rabiye qadir xanim, amérika dölet mejlisi xitay ishlar komitétining mes'ul xadimliridin kara abramson, kishilik hoquqni közitish teshkilatining térrorluqqa qarshi turush mutexessisi steysi sulliwan qatarliq kishiler doklat berdi. Yighin kishilik hoquqni közitish teshkilatining washin'gtondiki ishxanisining yighin zalida shu yerning waqti bilen sa'et 4:00 din 6:00 giche dawam qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet