Җаң чүншйән җәнубий уйғур елидики 3 вилайәттә муқимлиқни қайта тәкитлигән

Мутәхәссисләр, җаң чавшйәнниң ейтқанлиридин хитай уйғур елигә қаратқан сиясәттә маһийәтлик өзгириш болмайдиғанлиқини көрүвелишқа болидиғанлиқини илгири сүрүшмәктә.

Шинхуа агентлиқиниң хәвәр қилишичә, җаң чүншйән 16- декабирдин 18-декабирғичә, ақсу, қәшқәр вә хотәндә хизмәттә болған вә " муқимлиқ биринчи вәзипә" дегән.

Җаң дуня, хитай вә район вәзийитидики өзгиришләргә әгишип, уйғур ели вәзийитидиму өзгириш болғанлиқини көрсәткән вә "биз буларни әстайидил тәтқиқ қилип; һәл қилишимиз керәк." Дегән.

Җаң " муқимлиқ қәтий вәзипә вә биринчи дәриҗилик вәзипә" дегән вә бу җәһәттә " икки қолда чиң тутуш; иккила қол қаттиқ болуш ", " қош мәсулийәт түзүми" ни изчиллаштурушини һәмдә муқимлиқни қәтий бошашмай чиң тутушни тәләп қилған.

2009- Йилдики "5- июл вәқәси"дин кейин, уйғур елиниң сабиқ секретари ваң лечүән вәзиписидин қалдурулуп, униң орниға җаң чүншйән тәйинләнгән иди.

Әйни чағда бир қисим вәзийәт көзәткүчилири хитайниң уйғур ели сияситидә юмшаш болидиғанлиқини пәрәз қилишқан иди.

Дуня уйғур қурултийи баянатчиси дилшат ришит бу һәқтә тохтилип мундақ деди: " хитайниң уйғур елигә қаратқан сиясити әзәлдин бастуруш маһийитини өзгәртмәй кәлгән. Җаң чүншйәнму шу хил сиясәтни давамлаштуруватиду халас."