Xitayning memliketlik siyasiy-qanun yighinida Uyghur élining muqimliqigha kapaletlik qilish telep qilindi

Xitayning siyasiy qanun xizmet yighinida merkizi siyasiy qanun komitétining bash sékrétari ju yünkang Uyghur élining muqimliqigha kapaletlik qilip, uzun muddetlik eminlikini ishqa ashurushni telep qilghan.
Muxbirimiz irade
2011.12.22
Share on WhatsApp
Share on WhatsApp

Peyshenbe küni Uyghur éli siyasiy qanun komitéti herqaysi derijilik siyasiy-qanun orunlirini ju yünkangning yolyoruqini yaxshi öginip, döletning bixeterliki we jem'iyet amanliqigha kapaletlik qilish éngini östürüshke chaqirghan.

Xitay hökümiti yéqinqi yillardin buyan Uyghur élining muqimliqini, uzun muddetlik eminlikini qayta-qayta tekitlep, buni barliq mesililerning aldigha qoymaqta. Emma közetküchiler, xitay hökümitining muqimliqqa heqiqiy ziyan bériwatqan milliy tengsizlik, milliy kemsitish, qosh til ma'arip, ishsizliq mesilisini hel qilmaywatqanliqini bildürmekte.

Ju yünkang Uyghur élining muqimliqigha kapaletlik qilishni telep qilghan peytte, Uyghur éli qoralliq saqchi qisim terkibide qurulghan tik uchar qismi ürümchide manéwir ötküzüp, özining tuyuqsiz weqelerge zerbe bérish sewiyisini sinaq qilghan.

Bu heqtiki xewerde, bu qisimning Uyghur élining muqimliqini saqlash wezipisini yaxshi orunlap, közge körünerlik netijilerni qolgha keltürgenliki bayan qilin'ghan.

Xelq'ara kishilik hoquq organlirining éytishiche, Uyghur élide muqimliqni qoghdash Uyghurlarni basturush bilen oxshash menige kélip qalghan bolup, da'iriler qattiq zerbe bérish, yüz künlük zerbe bérish qatarliq heriketler bilen Uyghurlarni basturmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.