Хитай ғәрбниң газини шәрққә йөткәш туруба йолидин йәнә бирни қуруши мумкин

Хитай һөкүмәт мәтбуатлириниң пәйшәнбә күни ашкарилишичә, хитай ениргийә даирилири уйғур елиниң тәбий газ байлиқини шәрқтики хитай санаәт районлириға йөткәйдиған ғәрбниң газини шәрққә тошуш туруба йолидин йәнә бирни ятқузушни пиланлимақта икән.
Мухбиримиз әркин хәвири
2008-09-12
Елхәт
Пикир
Share
Принт

 Әгәр бу қурулуш раст йолға қоюлса бу уйғур илидин шәрқтики хитай өлкилиригә туташтурулған 3 ‏ - тәбий газ туруба йоли болуп қалиду.

Хитайниң "җуңго" гезити бу һәқтики хәвиридә уйғур илидин башлинидиған йеңи туруба йолиниң шәрқтики фуҗйәнгә қәдәр туташтурулидиғанлиқини вә хитай дөләтлик нефит ширкити пиланлаш башқармисиниң әмәлдари яң җйәнлоңниң дәсләпки қурулуш пилани келәр йилниң башлирида елан қилинидиғанлиқи тоғрисида мәлумат бәргәнликини билдүргән.

Хәвәрдә мәзкур газ туруба йолиниң омуми узунлуқи 2008 ‏ - йили 2 ‏ - айда башланған 2 ‏ - линийилик тәбий газ туруба йолиниң омуми узунлуқи билән охшаш болидиғанлиқини тәкитлигән болуп, ғәрбниң газини шәрққә йөткәш туруба йолиниң 2‏ - линийисиниң омуми узунлуқи 9 миң километирдин ашиду. 20 Милярд 800 миң доллар мәбләғ селинидиған 2 ‏ - линийилик қурулушниң 2011 ‏ - йили пүтидиғанлиқи пәрәз қилинмақта иди.

Мәзкур туруба йоли йилиға 30 милярд купметир газ йәткүзүш иқтидариға игә қилип лайиһиләнгән болсиму, лекин йеқинда түркмәнистан хитайға газ сатидиғанлиқини елан қилғандин кейин мәзкур туруба йолиниң йиллиқ газ йоллаш иқтидари 40 милярд купметирға чиқирилидиғанлиқи илгири сүрүлмәктә.


Пикирләр (0)
Share
Толуқ бәт