10 Йил ичидә тарим нефитликиниң ишләпчиқириш миқдари йәнә бир һәссә ашурулуп, хитайдики әң чоң нефитликкә айландурулмақчи
Хәвәрдә көрситишичә, хитай даирилири 7 - ноябир елан қилған санлиқ мәлуматларға қариғанда, хитай нефит қидирип тәкшүрүш даирилири пәқәт өткән йилдила уйғур елидә 3 орунда зор миқдарда тәбиий газ вә нефит записи байқиған. Мәлум болушичә, өткән йили уйғур елидә байқалған нефит вә тәбиий газ записи 497 милйон тонниға йетидикән.
Ашкарилинишичә, өткән йили байқалған нефит вә тәбиий газ запаслири хитайниң "тарим нефитлики ширкити" тәрипидин уйғур елиниң куча наһийиси тәвәсидә, шималий тарим вә оттура тарим вадилирида байқалған.
Куча наһийисидә байқалған нефитликниң запас миқдари әң зор һәҗимдә икән.
Хәвәрдә ашкарилинишичә, хитай нефит тармақлири 2010 - йилида тарим нефитликиниң нефит вә тәбиий газ ишләп чиқириш миқдарини үзлүксиз ашуридикән. Хитайниң тарим нефитлики һәққидики пиланлириға асасланғанда кәлгүси он йил ичидә тарим нефитликиниң ишләпчиқириш миқдари йәнә бир һәссә ашурулуп, хитайдики әң чоң нефитликкә айландурулидикән.
Хитайниң уйғур ели нефитликлирини мәсулийәтсизлик билән ечип, уйғур елиниң тәбиий муһитиға вә йәрликләрниң һаят йолиға тәһдит селип келиватқанлиқи уйғур ели вәзийитини көзитип келиватқан шәхсләрниң ичил наразилиқини қозғап келиватқан иди.
