'Җуңго нефит - химийә ширкити' тарим нефитликигә 10 милярд йүән мәбләғ салидикән

Хитай дөләтлик ислаһат вә тәрәққият комитетидики әмәлдарларниң ашкарилишичә, хитайниң дөләт игиликидики "җуңго нефит - химийә ширкити " 2009‏ - йили тарим ойманлиқи нефитликигә аз кәм 10 милярд йүән мәбләғ селип, тарим нефитликини 2010 ‏ - йили йилиға 10 милйон тонна нефит ишләпчиқиралайдиған зор көләмлик нефитликкә айландурушни пиланлиған.
Мухбиримиз әркин
2009-02-04
Share

Тарим нефитлики "җуңго нефит - химийә ширкити"ниң башқурушидики 2 ‏ - чоң нефитлик болуп, мәзкур нефитлик 2008 ‏ - йили 6 милйон тонна хам нефит ишләпчиқарған иди.

Шинхуа тори бу һәқтики бир хәвиридә "җуңго нефит химийә ширкити"ниң тарим нефитликигә 9 милярд 800 милйон йүән мәбләғ салидиғанлиқини илгири сүргән. Хитай мутәхәссисләрниң әскәртишичә, " җуңго нефит - химийә ширкити" хам нефит пишшиқлап ишләпчиқириш иқтидари дунядики алдинқи қатарда туридиған ширкәтләрниң бири болсиму, лекин хам нефит қезиш билән пишшиқлап ишләпчиқириш арисидики тәңпуңлуқни сақлиялмиған.

Мәзкур ширкәтниң нефит қезиш иқтидари пишшиқлап ишләпчиқириш иқтидариға йетишәлмәй нефит импортқа тайинип қалған болуп, хәлқара нефит баһаси игиз - пәс болуватқан бүгүнки күндә өз аҗизлиқини ашкарилап қойған.

Көзәткүчиләр, буни хитай нефит - химийә ширкитиниң таримға 10 милярд йүән мәбләғ селип, нефит қезишни кеңәйтиватқанлиқиниң сәвәби, дәп қарашқан. Лекин чәтәлдики уйғур тәшкилатлири хитайниң ечиш пиланини тәнқидләп, йәрлик хәлқни мәнпәәтдар қилалмайдиған " булаң ‏ - талаң" характерлик ечишқа қарши туридиғанлиқини билдүрмәктә.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт