'Junggo néfit - ximiye shirkiti' tarim néfitlikige 10 milyard yüen meblegh salidiken

Xitay döletlik islahat we tereqqiyat komitétidiki emeldarlarning ashkarilishiche, xitayning dölet igilikidiki "junggo néfit - ximiye shirkiti " 2009‏ - yili tarim oymanliqi néfitlikige az kem 10 milyard yüen meblegh sélip, tarim néfitlikini 2010 ‏ - yili yiligha 10 milyon tonna néfit ishlepchiqiralaydighan zor kölemlik néfitlikke aylandurushni pilanlighan.
Muxbirimiz erkin
2009-02-04
Share

Tarim néfitliki "junggo néfit - ximiye shirkiti"ning bashqurushidiki 2 ‏ - chong néfitlik bolup, mezkur néfitlik 2008 ‏ - yili 6 milyon tonna xam néfit ishlepchiqarghan idi.

Shinxu'a tori bu heqtiki bir xewiride "junggo néfit ximiye shirkiti"ning tarim néfitlikige 9 milyard 800 milyon yüen meblegh salidighanliqini ilgiri sürgen. Xitay mutexessislerning eskertishiche, " junggo néfit - ximiye shirkiti" xam néfit pishshiqlap ishlepchiqirish iqtidari dunyadiki aldinqi qatarda turidighan shirketlerning biri bolsimu, lékin xam néfit qézish bilen pishshiqlap ishlepchiqirish arisidiki tengpungluqni saqliyalmighan.

Mezkur shirketning néfit qézish iqtidari pishshiqlap ishlepchiqirish iqtidarigha yétishelmey néfit importqa tayinip qalghan bolup, xelq'ara néfit bahasi igiz - pes boluwatqan bügünki künde öz ajizliqini ashkarilap qoyghan.

Közetküchiler, buni xitay néfit - ximiye shirkitining tarimgha 10 milyard yüen meblegh sélip, néfit qézishni kéngeytiwatqanliqining sewebi, dep qarashqan. Lékin chet'eldiki Uyghur teshkilatliri xitayning échish pilanini tenqidlep, yerlik xelqni menpe'etdar qilalmaydighan " bulang ‏ - talang" xaraktérlik échishqa qarshi turidighanliqini bildürmekte.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet