Uyghur élide bu yil kirgendin buyan nisbeten zor kölemlik ammiwi qazalarning yüz bérish qétim sani we adem ölüsh ehwali zor derijide köpeygen

Uyghur aptonom rayonida bu yil kirgendin buyan nisbeten zor kölemlik ammiwi qazalarning yüz bérish qétim sani we adem ölüsh ehwali ötken yilning oxshash mezgilidin zor derijide köpeygen.
Muxbirimiz erkin
2011.03.28

Lékin yerlik metbu'atlarning bu heqtiki xewerliride, da'irilerning munasiwetlik organlarni bu türlük ammiwi qazalarning aldini élishqa agahlandurghanliqi ilgiri sürülgen bolsimu, lékin buninggha néme seweb boluwatqanliqi tilgha élinmighan.

“Shinjang iqtisad géziti” ning ashkarilishiche, bu yil kirgendin buyan Uyghur aptonom rayonida 23 qétim zor kölemlik ammiwi qaza yüz bérip, yüz bérish qétim sani 2010‏-yilning oxshash mezgilidin 42 % köpeygen. Yuqiriqi ammiwi qazalarda 98 adem ölgen bolup, ölgen adem sani 2010‏-yilning oxshash mezgilidin 33% artqan.

Yuqiriqi ammiwi qazalarning yüz bérish qétim sanining % 78 din köprekini qatnash weqeliri igiligen. Ölgen ademning 84% din köp qismi yuqiriqi qatnash weqeliride hayatidin ayrilghan.

Bu munasiwet bilen Uyghur aptonom rayoni da'iriliri düshenbe küni téléfon yighini échip, munasiwetlik organlardin ammiwi xaraktérlik qazalarning aldini élishni telep qilghan.

Aptonom rayonning mu'awin re'isi küresh mexsut riyasetchilik qilghan bu yighinda u, aptonom rayonning ademler bir qeder köp seper qilidighan bir pesilge kirgenlikini eskertip, bu xil weqelerning yüz bérishning yene köpiyish éhtimalliqi barliqini agahlandurghan.

Lékin bezi analizchilar, xitay hökümitining 5‏-iyul weqesidin kéyin Uyghur iligha meblegh sélishni kücheytip, ichkiridiki xitay köchmenlirining rayon'gha éqip kirishini tézletkenlikini, lékin rayonning qatnash we ishlepchiqirish bixeterlik asasi eslihelirining buninggha paylimay qalghanliqini, netijide bu rayonda yüz bergen ammiwi qazalarning shiddetlik köpiyishini keltürüp chiqarghanliqini ilgiri sürmekte.

Xitay da'irilirining yéqinda jenwediki b d t yighinida ashkarilishiche, béyjing hökümiti kelgüsi 10 yilda Uyghur iligha salidighan mebleghni, yéqinqi 10 yilda salghan meblighidin 10 hesse köpeytidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.