Уйғур нахша -усул өмики америкидики оюн қоюш паалийитини ахирлаштуруп, үрүмчигә қайтип барған

Уйғур аптоном районлуқ нахша-усул ансамбили уйғур сәнәт әтрити 28-март америкидики оюн қоюш паалийитини ахирлаштуруп, үрүмчигә қайтип барған.
Мухбиримиз әркин
2012-03-30
Share

Оюн қоюш әтрити америкидики 40 күндин артуқ паалийити җәрянида иллиниойис, җәнубий дакута, охаю, мичиган қатарлиқ штатлиридики башланғуч, оттура мәктәп, бир қисим университет вә сәнәт мәркәзлиридә оюн қойған. Хитай ахбарат васитилири җүмә күни елан қилған бу һәқтики хәвәрлиридә, "шинҗаң вәкилләр сәнәт өмики" ниң америкада оюн қоюп, "зәпәр қучуп қайтип кәлгәнлики" ни илгири сүргән.

Бирақ сәнәт әтритиниң паалийити америкидики уйғурларни үмидсизләндүргән болуп, д у қ хитай даирилириниң уйғур сәнәтчилирини контрол қилғанлиқини тәнқид қилди. Д у қ баянатчиси дилшат ришит, паалийәт җәрянида сәнәтчиләрниң америкидики уйғурлар билән алақә қилиши чәкләнгәнликини әскәртип, сәнәт өмикиниң зиярити паалийәт ахирлишип сәнәтчиләр үрүмчигә қайтип барғанғичә ахбарат васитилиридин вә америкидики уйғурлардин мәхпий тутулғанлиқини билдүрди.

Сәнәт өмикиниң оюн белити бәзи җайларда 4 доллардин, йәнә бәзи җайларда 6, 7 доллардин сетилған болуп, бәзи оюнлар оттура-башланғуч мәктәпләрниң васкетбол залида қоюлған. Хитай даирилири "5‏-июл вәқәси" дин кейин, уйғур сәнәт өмәклириниң ғәрб әллиригә чиқип оюн қоюшиға қаритилған чәклимини бир аз бошаштурған болсиму, бирақ сәнәт өмикидики уйғур артисларни контрол қилип, уларниң ғәрб җәмийити вә уйғурлар билән учурушушиға чәклимә қойған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт