Xitayning Uyghur artislirini hindonéziye qatarliq döletlerde oyun qoyushqa orunlashturushi inkas qozghidi

Ikki kündin buyan hindonéziye metbu'atlirida Uyghur aptonom rayonluq muqam ansambilining 8-aprél küni hindonéziyide 2 meydan oyun qoyghanliqi heqqidiki xewerler bérildi.
Muxbirimiz méhriban
2012.04.10

Buning bilen 2009-yili 5-iyul weqesidin kéyin hindonéziyide tonulghan Uyghurlar mesilisi yene bir qétim hindonéziye metbu'atlirining xewer obyéktigha aylandi.

Melum bolushiche, muqam ansambili ötken hepte xitay dölet re'isi xu jintawning hindistan ziyariti mezgilide, hindistan'gha kélip oyun qoyghandin kéyin, 8-aprél hindonéziyige kélip bu jayda oyun qoyghan. Hindonéziye metbu'atlirining xewer qilishiche, bu ömek 9-aprél küni hindonéziyidin ayrilip, gherbiy jenubi asiyadiki broné hem malayshiya qatarliq döletlerge oyun qoyushqa ketken.

Hindonéziyidin radi'omiz ziyaritini qobul qilghan Uyghurlarning bildürüshiche, yéqinqi yillardin buyan hindonéziyige kélip yerleshken Uyghurlar barghanche köpeygen. Gerche hazirgha qeder hindonéziyide téxi Uyghur teshkilati qurulmighan bolsimu, emma 2009-yili ürümchide yüz bergen 5-iyul weqesi mezgilide, hindonéziyide özlirining diniy qérindishi bolghan Uyghur musulmanlirigha hésdashliq qilip Uyghurlarni qollash herikiti qozghalghan.

Melum bolushiche, eyni chaghda nechche minglighan hindonéziyilik jakartadiki xitay elchixanisi aldida namayish qilip, xitay hökümitidin Uyghurlargha qaratqan basturush siyasitini toxtitishni telep qilghan.

Xitay weziyitini közetküchilerning qarishiche, xitay hökümitining bu qétim, gherbiy jenubi asiyadiki hindonéziye, malayshiya qatarliq Uyghurlar anche köp bolmighan musulman döletlirige muqam ansambilini ewetip oyun qoyushni orunlashturushi, özining gherbiy jenubi asiyadiki musulman döletliridiki obrazini yaxshilash üchün iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.