Xitay Uyghur aptonom rayonining ottura asiya bilen bolghan soda alaqisini kücheytmekchi

Xitayning Uyghur aptonom rayonigha teyinligen bash sékrétari jang chünshyen, 19-dékabir küni ürümchide échilghan 2012-yilliq iqtisadiy pilan yighinida, rayonning iqtisadini yenimu yükseldürüshni, bolupmu etraptiki qoshna döletler bilen bolghan chégra sodisini kücheytishni telep qildi.
Muxbirimiz méhriban
2011.12.20

Xitayning shinxu'a agéntliqining bügünki xewiridin melum bolushiche, Uyghur aptonom rayonining ottura asiya döletliri bilen bolghan chégra soda tijariti 2011-yili tunji qétim 11 milyard dollardin ashqan. Bolupmu, qazaqistan bilen bolghan soda hemkarliqi kücheygen bolup, 2011-yili bir yil ichide qazaqistan bilen bolghan soda kélishimi 9 milyard dollardin ashqan.

Bu hepte xitay hökümiti yene qazaqistanda “ Junggo shinjang medeniyet heptiliki” pa'aliyitini bashlighan. Xitay, qazaqistan weziyitini közetküchiler öz qarashlirida, xitay bilen qazaqistan otturisidiki bu xil yéqinchiliqqa baha bérip, buning ikki dölet otturisidiki soda alaqisila bolup qalmastin, belki xitayning neziride, “ Uyghur élining tinchliqigha biwasite xewp yetküzgüchiler” dep qariliwatqan sherqiy türkistan musteqilliqini telep qilghuchi teshkilatlarning pa'aliyetlirige zerbe bérishni meqset qilghanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.