Bir qisim Uyghur sha'irlirining shé'irliri we bezi klassik ghezeller amérikida in'glizchigha terjime qilinip neshr qilindi

Uyghur hazirqi zaman sha'irliridin abduréhim ötkür, abduxaliq Uyghur, dilbirim samsaquwa qatarliqlar yazghan bir qisim shé'irlar, 11‏ - esir Uyghur edepliridin mehmud qeshqirining "türkiy tillar diwani", exmet yüknekining "etebetul heqqayiq" we Uyghur buddizm edebiyattiki bezi nezmiler in'glizchigha terjime qilinip, yéqinda amérikida neshrdin chiqqan bir shé'irlar toplimigha kirgüzüldi.
Muxbirimiz erkin
2010-09-17
Share

Bu, Uyghur hazirqi zaman we klassik sha'ir we edibliri yazghan shé'ir we nezmilerdin bezi nemunilerning tunji qétim in'glizche shé'irlar toplimigha kirgüzülüshidur.

Shé'irlar toplimigha kirgüzülgen eserler ichide Uyghur hazirqi zaman sha'irliridin abduréhim ötkürning " iz", "xejle xa'inlar xejle", "men aqbayraq emes", abduxaliq Uyghurning "oyghan", dilber qéyum qizining "wetendin nur émip qelbim" namliq shé'irliri, klassik eserlerdin mehmud qeshqirining diwani, yüsüp xas hajipning "qutadghu bilik" dastanidiki bezi shé'iri parchilar, exmet yüknekining "etebetul heqqayiq" namliq esiridin bir qanche kuplét, Uyghur buddizm edebiyatigha tewe bézekliktin tépilghan bir qisim shé'iri parchilar bar.

Bu eserler erkin asiya radi'osi Uyghur bölümining mes'uli doktor dolqun qembiri teripidin terjime qilin'ghan bolup, shé'irlar toplimi "amérika sen'etni ilgiri sürüsh orgini" teripidin neshr qilin'ghan.

Amérikiliq sha'irlardin jéfriy yang we natasha wéymér tehrirligen bu shé'irlar toplimida Uyghur edib we sha'irlirining eserlirige eng köp orun bérilgen bolup, uningda yene eserliri bu toplamgha kirgüzülgen Uyghur edib we sha'irlirining qisqiche tarixi, ijadiyiti shundaqla bu toplamgha kirgüzülmigen bezi yirik sha'irlar heqqide qisqiche melumat bérilgen.

Bu toplamgha yene Uyghur gungga shé'iriyitining wekilliridin exmetjan osmanning erebche yézilghan bir parche shé'iri kirgüzülgen bolup, uning "ah kéchiler" namliq bu shé'iri amérikiliq jéfréy yang teripidin in'glizchigha terjime qilin'ghan.

Bu, "nadir lirikilar" namliq yilda bir qétim neshr qilinidighan mezkur shé'irlar toplimining 17 tomi bolup, bu toplamgha dunyadiki ataqliq sha'irlarning eserliridin qisqiche nemuniler kirgüzülüp kelgen. Bu toplamning bu yilqi tomigha Uyghur sha'irlirining tunji qétim kirgüzülishi bolghachqa, ularning eserliri bir qeder köprek kirgüzülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.