Tajik tarixchisining Uyghur - ottura yéqinqi zaman tarixi heqqidiki yéngi kitabi

Tajik tarixchisi kamal abdullayéwning "shinjangdin xorasan'ghiche" mawzuluq kitabi yéqinda tajikistanning "irfan" neshriyati teripidin rus tilida neshir qilinip tarqitildi.
Muxbirimiz ümidwar
2009-11-22
Élxet
Pikir
Share
Print

Kitabta ötken esirning 20 - 30 - yillirida qoshna ottura asiya rayonida sowét rusiyisi bilen qarshiliship, wetinini terk etken özbék, tajik, qirghiz, rus, qazaq we bashqa xelqlerning wekillirining Uyghur diyarida élip barghan pa'aliyetliridin bashqa yene ularning afghanistan, iran, hindistan, türkiye qatarliq ellerge köchüp barghanliqi shuningdek bu mezgildiki sowét rusiyisining bu köchmenlerge qaratqan siyasiti, afghanistan, iran we türkiye hökümetlirining meydani hem bashqa köpligen mesililer yorutulghan.

Kitabning bir alahidiliki shuki, buningda 20 - 30 - yillarda qeshqeriye we ili wadisida élip bérilghan bir qatar qozghilanglar, köchmenlerning bu qozghilanglar bilen bolghan munasiwetliri hemde moskwaning sherqiy türkistan jumhuriyiti, ma jungying bashchiliqidiki tunggan küchliri hem bashqa küchlerni yoqitish jeryanida shéng shiseyni yölep turghuzghanliqi qatarliq weqeler bayan qilinidu.

Tajik tarixchisi kamal abdullayéw kitabini yézish üchün moskwa, tashkent, düshenbe, london qatarliq jaylardiki arxiplardin paydilan'ghan.

Bu kitab asasliqi ikki dewrni oz ichige alghan bolup, birinchi dewr 1917 - 1934 yilliridiki weqeler, ikkinchi dewer 1941 - 1945 hemde 80 - yillardiki soghuq munasiwetler urushi dewridin ibaret.

Kamal abdullayéwning 20 - 30 - yillarda moskwaning Uyghur éligha tutqan pozitsiyisi we siyasiti heqqidiki bayanlirida köpligen yéngi melumatlar mewjut bolup, 20 - esir Uyghur siyasiti tarixini tetqiq qilishta ehmiyetliktur.

Toluq bet