Uyghur élidin toplan'ghan 19 parche qedimiy eser xitay döletlik qimmetlik qedimiy eserler katalogigha kirgüzüldi

Uyghur qol yazmilirining toplan'ghanlirining bir qisimi ötken esirning 50-yillirida bir qétim tizimgha élinip, merhum yüsüp bek muxlisi teridin katalog turghuzulghan bolsa, 80-yillarda yene bir qétim katalog turghuzulghan idi. Kéyinki ottura esirler we yéqinqi zamanda qelemge élin'ghan Uyghur qol yazmiliri Uyghurlarning tarixi, medeniyiti we bashqa tereplirini tetqiq qilish hem chüshinishte birinchi qol menbe bolup hésablinidu.
 
Xitay hökümiti teripidin yighiwélin'ghan chaghatay yéziqidiki qol yazma matériyallirining mutleq köp qisimi sezgürlük mesilisi tüpeylidin téxi élan qilinmighan bolsimu, xelq qolidiki matériyallarning dawamliq yighiliwatqanliqi melum.

Shinxu'a agéntliqining xewer qilishiche, yéqinda Uyghur élidin 19 parche qedimiy eser xitay döletlik qimmetlik qedimiy eserler katalogigha kirgüzülgen bolup, buning ichide 12 parche chaghatay yéziqidiki qol yazma bar iken.

Xewerde éytilishiche, hazirghiche yighilghan az sanliq millet yéziqidiki qedimiy eserlerning sani 30 mingdin artuq. Mutexessislerning éytishiche, buning ichidiki mutleq köp sandiki matériyallar Uyghurlargha mensuptur.