Уйғур тиҗарәтчиләргә зәрбә бериш васитиси қилиниши мумкинликини илгири сүрди

Хитайда уйғур балиларни булайдиған җинайи гуруһлар паш қилинип, 3 миңға йеқин гумандар қолға елинғанлиқини хәвәр қилған болсиму, әмма бәзи көзәткүчиләр даириләрниң бу һәрикәтни хитай шәһәрләрдики уйғур тиҗарәтчиләргә зәрбә бериш васитиси қилиши мумкинликини илгири сүрди.
Мухбиримиз җүмә
2012-11-21
Елхәт
Пикир
Share
Принт

Хитай сақчи даирилири 22-ноябир ашкарилиған хәвәрләргә қариғанда, даириләр өткән айниң ахири уйғур балиларни булап қечиш билән шуғуллинидиған 12 җинайәт гуруһини паш қилған вә 28 балини қутқузған.

Бу йил апрелдин буян елип берилған зәрбә бериш һәрикитидә җәмий 2 миң 749 гумандар қолға елинған, 2 миң 274 бала қутулдурулған.

Һалбуки, явропадики уйғур зиялийси әлқәм мәсилиниң бир қетимлиқ «зәр бериш һәрикити» биләнла түгимәйдиғанлиқини, бу һәрикәт җәрянида тутулған гумандарларниң қутулдурулған балилардин көп болушиға гуман билән қарайдиғанлиқини билдүрди.

У мундақ деди: зиянкәшликкә учриған балиларни қутулдуруш әлвәттә яхши иш. Әмма даириләр буни хитай өлкилиридә нормал теричилик қиливатқан уйғурларни қоғлайдиған васитә қиливалмаслиқи керәк.

Хитай даирилири 2008-йилидин буян хитай өлкилиридики уйғурларға қаритилған назарәтни техиму күчәйткән вә уларниң хитай өлкилиридә һаят кәчүрүшини қийинлаштурған иди.

Пикирләр (0)
Share
Толуқ бәт