Uyghur tijaretchilerge zerbe bérish wasitisi qilinishi mumkinlikini ilgiri sürdi

Xitayda Uyghur balilarni bulaydighan jinayi guruhlar pash qilinip, 3 minggha yéqin gumandar qolgha élin'ghanliqini xewer qilghan bolsimu, emma bezi közetküchiler da'irilerning bu heriketni xitay sheherlerdiki Uyghur tijaretchilerge zerbe bérish wasitisi qilishi mumkinlikini ilgiri sürdi.
Muxbirimiz jüme
2012-11-21
Élxet
Pikir
Share
Print

Xitay saqchi da'iriliri 22-noyabir ashkarilighan xewerlerge qarighanda, da'iriler ötken ayning axiri Uyghur balilarni bulap qéchish bilen shughullinidighan 12 jinayet guruhini pash qilghan we 28 balini qutquzghan.

Bu yil apréldin buyan élip bérilghan zerbe bérish herikitide jem'iy 2 ming 749 gumandar qolgha élin'ghan, 2 ming 274 bala qutuldurulghan.

Halbuki, yawropadiki Uyghur ziyaliysi elqem mesilining bir qétimliq "Zer bérish herikiti" bilenla tügimeydighanliqini, bu heriket jeryanida tutulghan gumandarlarning qutuldurulghan balilardin köp bolushigha guman bilen qaraydighanliqini bildürdi.

U mundaq dédi: ziyankeshlikke uchrighan balilarni qutuldurush elwette yaxshi ish. Emma da'iriler buni xitay ölkiliride normal térichilik qiliwatqan Uyghurlarni qoghlaydighan wasite qiliwalmasliqi kérek.

Xitay da'iriliri 2008-yilidin buyan xitay ölkiliridiki Uyghurlargha qaritilghan nazaretni téximu kücheytken we ularning xitay ölkiliride hayat kechürüshini qiyinlashturghan idi.

Toluq bet