Jüme küni ürümchi noghay meschiti aldida saqchilar bilen tirkishish weqesi yüz bérip, 4 Uyghur tutqun qilindi

Jüme küni ürümchi noghay meschiti aldida jüme namizidin qaytqan Uyghurlar bilen xitay saqchilar tirkiship qélip, 4 Uyghurning tutqun qilin'ghanliqi bildürüldi.
Muxbirimiz erkin
2011-07-01
Share

Dunya Uyghur qurultiyining bildürüshiche, shu küni jüme namizidin qaytqan bir top Uyghur meschit aldida toplan'ghan. Buningdin bi'aram bolghan saqchilar Uyghurlarni tarqitiwétishke urun'ghan bolup, bu namazxanlarning naraziliqini qozghighan. Buning bilen Uyghurlar bilen saqchilar arisida tirkishish yüz bérip, 4 kishi tutqun qilin'ghan. Biraq dunya Uyghur qurultiyi tutqun qilin'ghan Uyghurlarning ismi we qeyerlik ikenliki heqqide melumat bermidi.

Qurultay bayanatchisi dilshat rishitning ilgiri sürüshiche, Uyghurlarning xitay bixeterlik organlirining qaysi tarmiqi teripidin tutqun qilin'ghanliqi melum emes iken.

Xitay hökümiti “5‏-Iyul weqesi” yétip kélish harpisida ürümchi, qeshqer, ghulja qatarliq sheherlerde bixeterlikni kücheytip, kishilerning toplinishini chekligen. Ghulja qatarliq bir qisim sheherlerning kochilirigha bronéwik we qoralliq saqchi qisimlirini orunlashturghan idi.Dunya Uyghur qurultiyi bayanatchisi dilshat rishit xitay da'irilirini tenqidlep, xelqning yighilish, ibadet we pikir qilish erkinlikige hörmet qilishqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet