Уйғур хирстан алимҗан һемитқа йепиқ сот ечилған

Франсийә ахбаратиниң сәйшәнбә хәвиридин мәлум болушичә, хитай даирилири тәрипидин " христиан дени тәрғибати билән шуғулланған" дегән җинайәт билән тутуп турулуватқан уйғур христиан алимҗан һимитқа, 28 - июл күни қәшқәрдә йепиқ сот ечилған.
Мухбиримиз гүлчеһрә
2009-07-28
Share

Хәвәрдә алимҗан һимитниң адвокати ляң шявҗунниң сөзлирини нәқил елишичә, сот сәйшәнбә күни, қәшқәр шәһәрлик сот мәһкимисидә пүтүнләй йепиқ һаләттә елип берилған болуп, һәтта алимҗанниң аилисидикилириму қатнаштурулмиған.

Алимҗан адвокати арқилиқ сотқа үзиниң гунаһсизлиқи һәққидики әрзини сунған болуп,сот үч саәт давам қилған болсиму қарар елинмиған.

Алимҗан һимит әсли чәтәлдики мәлум бир диний ширкәтниң хотәндики бир бағвәнчилик мәйданиниң мәсули болуп ишләйтти. Қәшқәр вилайәтлик дөләт хәвпсизлик оргини уни "қанунсиз диний паалийәт" елип бериш билән әйибләп, 2008 ‏ - йили 1 ‏- айниң 12 ‏- күни қолға алған.

Хитайниң мунасивәтлик қанунлирида җ х органлириниң адәттики делоларда мәлум бир гумандарни тутуп туруш вақти 48 саәт болуп, сақчилар 48 саәт ичидә гумандарниң җинайитини испатлиши керәк. Қәшқәр вилайәтлик оттура хәлқ сот мәһкимиси 2008 - йили 5 - айда пакит йетәрсизлик сәвәбидин униң делосини җ х органлириға қайтурувәткән болсиму, у һазирға қәдәр үзлүксиз тутуп турулмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт