Uyghur rayonluq ma'arip nazariti bashlan'ghuch-ottura mekteplerde barliq derslerni xitaychilashturushni pilan qilmaqta

Bügün tengritagh xewerler toridin melum bolushiche, yéqinda Uyghur rayonluq ma'arip nazariti Uyghur rayonning mejburiyet ma'aripi basquchi we adettiki toluq ottura mektep basquchini öz ichige alghan qosh til ma'aripi derslirini tesis qilish layihisini élan qilghan.
Muxbirimiz irade
2011-03-24
Share

Igilinishiche, layihide ikki xil pilan otturigha qoyulghan bolup, buning birinchisida, bashlan'ghuch mekteplerde matématika, ilim-pen, uchur téxnikisi qatarliq dersler, yoluqisiz ottura mekteplerde bolsa matématika, fizika, ximiye, bi'ologiye we uchur téxnikisi qatarliq derslerni xitay tilida ötüsh, qalghan derslerni milliy tilda ötüsh otturigha qoyulghan.

Ikkinchi xil pilanda bolsa, barliq derslerni xitayche bérish, milliyche til-edebiyat dersi tesis qilish teklip qilin'ghan.

Pilanda yene, oqutquchi shara'iti hazirlimighan mektepler tenterbiye, muzika we güzel-sen'et derslirini shu milletning tilida ötse bolidu,déyilgen we shundaqla herqaysi wilayet, oblast, sheherlik ma'arip tarmaqliri 2-xil pilanni emeliy ehwalgha qarap békitse bolidu, dep éytilghan.

Eger, bu layihe yolgha qoyulghan teqdirde, bashlan'ghuch-ottura mekteplerde Uyghur tilidiki oqutush pütünley emeldin qalidighanliqi melum bolmaqta. Xitay hökümitining Uyghur élide yürgüzüwatqan qosh til ma'aripi siyasiti Uyghur éli we shundaqla chet'ellerdiki ziyaliylarning qattiq naraziliqini qozghap kéliwatqan bir mesile. Emma, xitay hökümiti Uyghur ziyaliylirining naraziliqlirigha qarimay, qosh til ma'aripi siyasitini künsayin ching tutup élip bériwatqan bolup, xitay merkizi hökümiti qosh til ma'aripi üchün 580 milyon yüen meblegh ajratqan we buning 150 milyon yüenini tesis qilip bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet