5-Июл үрүмчи вәқәсиниң 2 йиллиқида уйғурбиз тор бекитидә мулаһизә мақалилири берилди

5-Июл үрүмчи вәқәсиниң 2 йиллиқида уйғурбиз тор бекитиниң хәлқара тор бекитидә икки йилдин буянқи уйғур ели вәзийити һәққидә мулаһизә мақалилири елан қилинди.
Мухбиримиз меһрибан
2011-07-05
Share

Тор бекитидә елан қилинған мақалиләрдә 5-июлдин кейин мәркизи һөкүмәтниң уйғур аптоном районида елип бериватқан “шинҗаңға ярдәм” намидики райондики байлиқларни ечиш сияситидин, йәрлик уйғурларниң нәп алалмайла қалмастин, бәлки районға йәрләшкән хитай ширкәтлири тәрипидин уйғурларниң әслидики терилғу йәр һәм өй-земинлиридин айрилип қалғанлиқи, районға йеңидин көчүп келиватқан хитай көчмәнлириниң көпийиши сәвәбидин уйғур қатарлиқ йәрлик хәлқләрниң тирикчилик йоли тарийип кәткәнлики оттуриға қоюлуп, мәркизи һөкүмәтниң уйғур аптоном райониға қаратқан сиясити тәнқидләнди.

Америка авази радиосиниң 5-июл күнидики хәвиридә дейилишичә, уйғурбиз тор бекитиниң саһиби илһам тохти әпәнди өткән айда уйғур вәзийити һәққидә чәтәл агентлиқлириниң зияритини қобул қилғанлиқи үчүн, йеқиндин буян йәнә нәзәрбәнд астиға елинған.

5-Июл үрүмчи вәқәсидин кейин, уйғур биз тор бекитиниң саһиби, милләтләр университетиниң дотсенти илһам тохти әпәнди өзиниң уйғур биз тор бекитиниң хәлқара тор бекитидә елан қилған бир йүрүш мақалилири һәм чәтәл агентлиқлириниң зияритини қобул қилип, 5-июл үрүмчи вәқәсидә хитай һөкүмитиниң райондики уйғурларға қарита бастуруш сиясити йүргүзгәнликини тәнқид қилғанлиқи үчүн, хитай һөкүмәт даирилири тәрипидин көп қетим нәзәрбәнд қилинған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт