5-Iyul ürümchi weqesining 2 yilliqida Uyghurbiz tor békitide mulahize maqaliliri bérildi

5-Iyul ürümchi weqesining 2 yilliqida Uyghurbiz tor békitining xelq'ara tor békitide ikki yildin buyanqi Uyghur éli weziyiti heqqide mulahize maqaliliri élan qilindi.
Muxbirimiz méhriban
2011-07-05
Share

Tor békitide élan qilin'ghan maqalilerde 5-iyuldin kéyin merkizi hökümetning Uyghur aptonom rayonida élip bériwatqan “Shinjanggha yardem” namidiki rayondiki bayliqlarni échish siyasitidin, yerlik Uyghurlarning nep alalmayla qalmastin, belki rayon'gha yerleshken xitay shirketliri teripidin Uyghurlarning eslidiki térilghu yer hem öy-zéminliridin ayrilip qalghanliqi, rayon'gha yéngidin köchüp kéliwatqan xitay köchmenlirining köpiyishi sewebidin Uyghur qatarliq yerlik xelqlerning tirikchilik yoli tariyip ketkenliki otturigha qoyulup, merkizi hökümetning Uyghur aptonom rayonigha qaratqan siyasiti tenqidlendi.

Amérika awazi radi'osining 5-iyul künidiki xewiride déyilishiche, Uyghurbiz tor békitining sahibi ilham toxti ependi ötken ayda Uyghur weziyiti heqqide chet'el agéntliqlirining ziyaritini qobul qilghanliqi üchün, yéqindin buyan yene nezerbend astigha élin'ghan.

5-Iyul ürümchi weqesidin kéyin, Uyghur biz tor békitining sahibi, milletler uniwérsitétining dotsénti ilham toxti ependi özining Uyghur biz tor békitining xelq'ara tor békitide élan qilghan bir yürüsh maqaliliri hem chet'el agéntliqlirining ziyaritini qobul qilip, 5-iyul ürümchi weqeside xitay hökümitining rayondiki Uyghurlargha qarita basturush siyasiti yürgüzgenlikini tenqid qilghanliqi üchün, xitay hökümet da'iriliri teripidin köp qétim nezerbend qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet