Илһам тохти: ' уйғурбиз тор бети пат йеқинда ечилиду'

Мәркизи милләтләр университетиниң оқутқучиси, уйғурбиз торбетиниң саһиби илһам тохти, франсийә зияритидин қайтип кәлгәндин кейин, уйғурбиз торбети тақиветилгән иди.
Мухбиримиз гүлчеһрә
2009-03-06
Share

Бүгүн илһам тохти радиомиз мухбириниң зияритини қобул қилип, торбәтни әслигә кәлтүрүш үчүн қануний йол меңиватқанлиқини, торбәтниң йеқинқи 1 - 2 күн ичидә қайта ечилиш мумкинчилики барлиқини билдүрди.

Илһам тохтиниң билдүрүшичә, уйғурбиз торбети 2006 ‏ - йилидин башлап ечилған, қисқа вақит ичидә көп санда абонент топлиған, хәнзучә вә уйғурчә болуп қош тиллиқ торбәттур. Нөвәттә бу торбәт хитайдики чоң торбәтләрдин бири санилиду.

Нөвәттә уйғур торбетиниң бейҗиңда икки йәрдә ишханиси, 8 нәпәр маашлиқ хизмәтчиси, 70 нәччә халисанә хизмәтчиси бар. Торбәтниң йиллиқ чиқими 278 миң йүән. Илһам тохти мәзкур торбәтниң өзиниң шәхсий тиришчанлиқи билән әмәс, бәлки бир түркүм ойғанған зиялийларниң тиришчанлиқи билән тәрәққий қилғанлиқини; бу торбәтни мәркәз қилип паалийәт елип бериватқан яшларниң, хәнзуларға уйғурларниң әһвалини тонуштуруватқанлиқини, уйғурлар арисида болса, қануний ойғиниш елип бериватқанлиқини билдүрди. У сөзидә уйғурбиз торидики мақалиларда әлвәттә тәнқидий мақалилар барлиқини, әмма қанунға хилап мақалилар йоқлуқини шуңа йеқинқи 1 - 2 күн вақит ичидә торбәтниң әслигә келидиғанлиқиға ишинидиғанлиқини билдүрди.

Уйғур биз торбети, бу нөвәт, мушу икки йил ичидә 4 ‏- қетим тақилишидур. Арқа - арқидин тақилиш, торбәтниң елан киримигә еғир тәсир йәткүзгән. Алдинқи бир қетимлиқ тақилишта, мәзкур торбәт, мәлум бир елан ширкитигә 320 миң төләм төлигән.

Илһам тохти бу торбәткә өзи вә сәпдашлириниң көп әҗри сиңгәнликини, шуңа барлиқ имканлири билән торбәтни ечишни давамлаштуридиғанлиқини билдүрди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.